منتديات عالـــــــــــم الحــــــــب
 
دخولالرئيسيةالتسجيل

شاطر | 
 

 قصة حب الطليان

اذهب الى الأسفل 
كاتب الموضوعرسالة
زائر
زائر



مُساهمةموضوع: قصة حب الطليان   الأربعاء أبريل 02, 2008 4:27 am

قصه بين طلي وطليه


الطلي = شلونج حبيبتي طليه
الطليه = هلو حياتي طلي
الطلي = البارحه من جنت اتناول العشاء جنه مسوين مطبك جت على برسيم كلت اطلع شويه على صفحه لحبيبتي
الطليه =شكرا عمري
الطلي = شكرا معلاكي حياتي انتي
الطليه = بهاي كراعيني حبيبي اطمئن شلون انساك
الطلي = اه ياهرفي الوحيد طالت علينه شوكت نعرس
الطليه = غير ابوك ظلمها علينه
الطلي = اي والله هذا ابويه صدك خروف يكول خلي الازمه مال عيد الاضحى تعدي ويستر علينه الله وعلى الطيبين من الطليان يارب
الطليه = لا يا باجه حياتي اطمئن بالعراق هسه بس البشر ينذبحون احنا ما علينه شي
الطلي = ههههههههه اي والله حاسدينه البشر بالعراق حتى شوفيهم يقلدونه بعيشه مالتنه لا كهرباء لا ماي نظيف وحتى حاسدينه على اكلنه حسد عيشه
الطليه = اكول ياصوف عمري حجيت وي امك الخرفانه على ترتيبات الزفه
الطلي = اي يا ليلتي الدافيه اتفقنه نسويها بارقى وكفه مال غنم بالعراق
الطليه = زين من راح يغني بعرسنا يا تشريب حياتي
الطلي = راح اجيبلج نانسي عجل ونوال العنزي
الطليه = هاي شنو حبيبي صاير قصاب على كيفك هدء الميع
الطلي = وداعتج وداعت بيض الغنم مالتي وداعت بشرة وجهك الجوزيه الي تلمع اسوي الي ماسواه البعير والجاموس
الطليه = لعد انا ليش حبيتك من دون الدواب كلها لانك ماتخاف من السكين ولا الراعي ويغرك صوت الناي وماتخاف من الذيب
الطلي = تعالي نكعد يم هاي الزباله نشوف جيسين نايلون احمر نعلج بيها
الطليه = لا خلي نروح للمنتزه
الطلي = يمعوده فارغ حشيشايه مابيه نروح شنسوي يكرب القلب
الطليه = اي والله صح نروج للسينما اكو خوش فلم رعب اسمه المصلخه
الطلي = لا نروح فلم رومانسي اسمه عندما ياتي خروف ( خريف ) العمر يا حبيبي
الطليه = ميع منك شكد تحب الرومانسيه
الطلي =احبج طليه ممكن قبله على خدك المصفح
الطليه = ميع ميع ميع
الطلي =اكول عمج الجاموس بامريكا ما جاي يدز جت
الطليه = يناوشنه شويه شويه يعرف ظروفنه بالعراق لا جت ولا برسيم ولا ثيله
الطلي = ليش مايسويلكم دعوه ويجركم يمه بامريكا
الطليه = مو اني ما استحمل الغربه متعوده على الزباله الى هنا تريح اعصابي
الطلي = الله يخلينه امانة بغداد خوش داري الطليان بالعراق ماكو بين زباله وزباله اكو زباله
الطليه = الله رحمنا من الحاويات مال الزباله كلها انباكت الحمد لله
الطلي = وين تحبين شهر البرسيم مالتنه نقضيه وين
الطليه = الله انتظره على احر من شيش الكباب على الجمر
الطلي = ليش يا شقيه ياطليه
الطليه = ياخوفي ماتعرف ليش وتطلع طلي فاكس وفاطس لا يحوص ولا يرافس
الطلي = هلو ميع هلو ميع تره اني طلي امعط تره اني طلي هتلي ادخن واسهر واشرب ماي شعير
الطليه = اعرفك كل سوالف اعرفها يا لوتي
الطلي = هسه كافي خلي ننهي القاء وباجر وره اخذ اجازه زمنيه من الراعي واشتري لفتين حشيش مسحب واجيب كرزات برسيم على دخن ونكعد نسوالف يا جلاوي يا كراعين عمري
الطليه = انتظرك حبيبي لا تتاخر عليه تره تره اكطع روحي واسويها تمن على دليميه


علي العقابي
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: قصة حب الطليان   السبت أبريل 05, 2008 3:23 am

ههههههههههههههه مشكور حبي حيل على القصة حلوة حيل والله
الرجوع الى أعلى الصفحة اذهب الى الأسفل
romyo
المدير
avatar

المساهمات : 134
تاريخ التسجيل : 08/03/2008
العمر : 33

مُساهمةموضوع: رد: قصة حب الطليان   الثلاثاء أبريل 08, 2008 2:36 pm

ههههههههههههه

حلو حبيبي تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة حب الطليان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عالــــــــــم الحـــــــــب :: منتديات الادبيه :: منتدى القصص المسموعه وقصص الحب الحقيقيه-
انتقل الى: