تهت بمرك حبيبي شلون شراي
احبك انا احبك ولك شراي ..
اذا تحبني تأمن دوم شري ..
واذا متحبني اكلبها قضيه .
....
وشرك ..
اغص بالماي من شوفك واشركَ ..
واعلمك دون هالعالم وأشــرك ..
مؤمن واكفر لحسنك وشــرك ..
لان حسنك ديانه على الوطينة .
....
يرد مني ...
كصن بين الليالي يردمني
وبس صوت الالم دايم يرد مني
اذا مكتوب الكم يرد مني ...
ردوا ولاتزيدون بيه الاذيه .
...
انته ديرة ...
الي صاير وطن وانته ديرة
يدور الكون لاجلك انته ديرة
الكلب بيدك حبيبي وانته ديرة
لان اامن لي من روحي عليه .
...
وشم بيك ..
حبيبي كون احضننك واشم بيك ..
وبالبوسات ادكَن لك وشم بيك ..
حجولي هواي حسادك وشو بيك ..
مايدرون حبك عم عليـــه .....
تلفن ...
عمن عيوني على شوفك وتلفن
وعلى صوتك جميع اعضاي تلفن
اخابر لك وادكن لك واتلفن ..
رد ارجوك لاتكطع عليه
علي العقابي
موضوع: ابوذيات اهدية لعيونكم الحلوة 
الأربعاء أبريل 09, 2008 6:39 am
